Popular Bible Verses from SWIVURISO 6

Share

Ku ni swilo swa ntlhanu na xin'we leswi vengiwaka hi Yehovha, Ndzi ri ntlhanu na swimbirhi lama nga manyala eka yena: I mahlo yo tikukumuxa, ni ririmi ra vunwa, Ni mavoko lama halataka ngati leyi nga riki na nandzu; I mbilu leyi kanelaka swo biha, Ni milenge ya matsambu leyi tsutsumelaka eku biheni. I mbhoni ya vunwa leyi vulaka mavunwa, Ni la pfuxaka timholovo exikarhi ka vamakwavo.

Wena lolo, yana eka vusokoti, U xiya mikhuva ya byona, u ta tlhariha.

Ku etlelanyana, ku khudzehela switsanana, Ku tilata nkarhinyana hi ku khondla mavoko! Vusiwana bya wena byi ta ku wonga kukotisa muendzi, Ni ndlala, kukotisa munhu la hlomeke.

N'wananga, hlayisa milawu ya tata wa wena, U nga fularheli dyondzo ya mana wa wena, U yi bohelela embilwini ya wena hi masiku, U yi tsimba enhan'wini ya wena.