Popular Bible Verses from SWIVURISO 3

Share

Tshemba Yehovha hi mbilu ya wena hinkwayo, U nga titshembi ku tlhariha ka wena. U n'wi nghenisa emakungwini ya wena hinkwawo, U ta lulamisa tindlela ta wena.

U nga tivoni vutlhari, Chava Yehovha, u papalata swo biha

Dzunisa Yehovha hi rifuwo ra wena, Ni swirhangana swa hinkwaswo leswi ku taleleke: Kutani switlati swa wena swi ta tala, Swikhuvuto swa wena swi ta khapakhapa hi vhinyo yo tsokombela.

Vunene ni ntiyiso swi nga tshuki swi avana na wena; Titsimbe swona enhan'wini ya wena, u swi tsala embilwini ya wena

N'wananga, u nga soli ku laya ka Yehovha, U nga heli mbilu loko u biwa hi yena; Hikuva loyi Yehovha a n'wi rhandzaka, wa n'wi tshinya, Kukotisa tata wa munhu a layaka n'wana loyi a n'wi tsakelaka.

N'wananga, u nga rivali nawu wa mina, Mbilu ya wena a yi hlayise ku lerisa ka mina; Hikuva swi ta engetela masiku ya wena, Ni malembe ya ku hanya ka wena, ni ku rhula ka wena.

Ku katekile munhu loyi a kumaka ku twisisa, Ni loyi a kumaka vutlhari! Hikuva bindzu ra byona ri tlula silivhere, Ni ku andza ka byona ku tlula nsuku; Byi tlula tiperela hi risima, Hinkwaswo leswi navetaka a swi byi ringani.

U nga ali ku endla leswinene eka loyi u nga ni mfanelo eka yena, Loko swi ri emandleni ya wena.

Yehovha u khingele misava hi vutlhari, U yimise matilo hi ku anakanya.