La fihlaka swidyoho swa yena, a nga ka a nga kateki,
Kambe la swi vulaka, a tshika, u ta kuma tintswalo.

La tshembaka mbilu ya yena i xihunguki,
Kambe la fambaka evutlharini u ta hlayiseka.

Lowo biha u tsutsuma hambi a nga landziwi,
Kambe lowo lulama u tsakile kukota xinghalana.

Ku katekile munhu la nga ni ripfalo hi masiku!
Kambe la tinonon'hwisaka mbilu u ta wela eku biheni.

La pfunaka vapfumari a nga ka a nga pfumali,
Loko a ri loyi a tipfalaka mahlo, u ta talela hi ku rhukaniwa.

La tshinyaka vanhu, endzhaku u ta kuma tintswalo
Ku tlula wa ririmi ra ku sasela van'wana.

Popular Bible Verses from SWIVURISO 28

Free Reading Plans and Devotionals related to SWIVURISO 28