Popular Bible Verses from SWIVURISO 15

Share

Ku hlamula lokunene ka rheleta vukari, Kambe ku vulavula loku tlhavaka ku pfuxa timholovo.

Xichavo xa Yehovha i xikolo xa va vutlhari, Ku titsongahata ku rhangela ku dzunisiwa.

Nomu wa ku olova i murhi wa vutomi, Loko wu ri wo homboloka wu soholota moya.

Laha ku tsundzuxana ku nga hava, makungu ma hangalaka, Kambe ma tiya hi ku kanela ka lavo tala.

Mbilu leyi tsakeke yi basisa mombo, Kambe moya wo tshoveka, i ku vava ka mbilu.

Mahlo ya Yehovha ma languta hinkwako, Ma xiya lavo biha ni lavo lulama.

Rifuwonyana leri nga ni ku chava Yehovha, Ri tlurisa rifuwo lerikulu leri nga ni mikarhateko.

Munhu la karihaka u pfuxa ku hambana; Kambe la hlwelaka ku hlundzuka u tima timholovo.

Mbilu ya la lulameke yi anakanya a nga si hlamula, Kambe milomu ya lavo biha yi humesa swo biha!