Popular Bible Verses from SWIVURISO 11

Share

La hananaka u ta nona, La cheletaka u ta cheletiwa na yena.

Un'wana wa hanana, kasi wa engeteriwa; Un'wana wa tsonana, kambe u hundzuka xisiwana.

Loko ku humelela ku tikukumuxa, hilaha tingana ti humaka kona, Kambe vutlhari byi le ka lava titsongahataka.

Tiko ri wisiwa hi ku pfumala switsundzuxo, Ku hlayiseka ku kona loko vatsundzuxi va tele.

Mihandzu ya munhu wo lulama i murhi wa vutomi; La tlhariheke u tikumela timbilu ta vanhu.

La xuxaka hi mahlevo u boxa makungu; Kambe lowa mbilu yo tshembeka u hlayisa timhaka.

Munhu wa tintswalo u endlela moya wa yena vunene, Kambe lowa lunya u tionha miri wa yena.

La tshembaka rifuwo ra yena u ta wa, Kambe lavo lulama va ta kula kukotisa matluka ya mirhi.

Rifuwo a ri pfuni nchumu esikwini ra vukari, Kambe ku lulama ku lwela munhu eku feni.

Vunene bya lava lulameke bya va fambisa, Kambe ku homboloka ka timbabva ka ti lovisa.

Wansati wa xiyimo xo saseka la pfumalaka miehleketo, I sindza ra nsuku enhompfini ya nguluve.

Xikalo xa vunwa xi vengiwa hi Yehovha, Kambe mpimo lowo lulama wa n'wi tsakisa.