Popular Bible Verses from ESAYA 9

Share

Hikuva hi velekeriwe n'wana, hi nyikiwe n'wana wa wandzisanyana, vuhosi byi vekiwile ekhatleni ra yena. U ta thyiwa Muhlamarisi, Mutsundzuxi, Xikwembu xa matimba, Tatana la nga riki na ku hela, Hosi ya ku rhula

Tiko leri nga famba emunyameni ri vona ku vonakala lokukulu. Lava akeke etikweni ra ndzhuti wa rifu va voningiwa hi ku vonakala.

ku kurisa ku fuma, ni ku nyika xiluvelo xa Davhida ni ku fuma ka yena ku rhula loku nga heriki, ni ku xi tiyisa, ni ku xi seketela hi ku avanyisa ni ku lulama, sweswi ni hilaha ku nga heriki; ku hiseka ka Yehovha wa tinyimpi ku ta endla sweswo!

Hikuva ntanghu yin'wana ni yin'wana leyi munhu a yaka enyimpini ha yona, ni nguvu leyi pfulunganeke engatini, swi ta hoxiwa emalangavini swi hisiwa hi ndzilo.

Kambe a ku nga ha vi na munyama emisaveni leyi ngi yi ri ni maxangu. Tanihi leswi emikarhini yo sungula, tingana ti funengeteke tiko ra Zebuloni ni tiko ra Neftali, emikarhini ya ku hetelela ku ta twarisiwa tiko leri lulamaka ni lwandle, entsungeni wa ehase ka Yordani, tiko ra Galeliya wa vamatiko.

U andzisile tiko, u kurisile ku tsaka ka rona! Ri tsakile emahlweni ka wena kukota lava tshovelaka, tanihi lava avanelaka xuma lexi phangiweke.

Hikuva mpingu lowu ngi ri wu rhwala, ni nkhavi lowu ngi wu ba makatla ya rona, ni nhonga ya muxanisi wa rona, u swi tshovile kukotisa esikwini ra Midiyani.