Popular Bible Verses from ESAYA 60

Share

“Suka u yima, u va u kwetsima, hikuva ku vonakala ka wena ku xile, kutani ku twala ka Yehovha ku humelele eka wena!

Matiko ma ta famba eku vonakaleni ka wena, ni tihosi ti ta ta eku kwetsimeni ka tin'hwembeti ta wena.

Hikuva, waswivo, munyama wu ta funengeta misava, ni papa lera ntima ri ta va ehenhla ka matiko; kambe Yehovha u ta ku humelela, kutani ku twala ka yena ku ta voninga ehenhla ka wena.

Lontsongo u ta va khume ra madzana, lontsongo ngopfu, u ta va tiko lera matimba. Mina, Yehovha, ndzi hatlisisa swilo leswi emikarhini ya swona.”

Dyambu ri nga ha vi ku vonakala ka wena ninhlekanhi, ni n'weti wu nga ha ku voningi Yehovha u ta va ku vonakala ka wena hi masiku, Xikwembu xa wena xi ta va ku twala ka wena.

Dyambu ra wena ri nga ka ri nga ha peli, ni n'weti wa wena wu nga ka wu nga ha fi; hikuva eka wena, Yehovha u ta va ku vonakala loku nga heriki, kutani masiku ya nkosi wa wena ma ta va ma herile.

“U ta swi vona, kutani u ta tsaka, mbilu ya wena yi ta tlulatlula, yi va yi ahlama hi ku tsaka, hikuva rifuwo ra lwandle ri ta kongoma wena, vukosi bya matiko byi ta ta eka wena.

Rhalarhala matlhelo hinkwawo, u languta: Va hlengeletana hinkwavo, va ta eka wena vana va wena va huma ekule, ni vana va wena va xisati va vukarhiwa etsheveni.

Ku ta kumiwa lavo lulama ntsena etikweni ra wena, va ta fuma tiko hi masiku; i hluke leri ndzi ri byaleke, i ntirho wa mavoko ya mina, leswaku wu ta ndzi twarisa.

“Ku nga ka ku nga ha vuriwi ta tihanyi etikweni ra wena, hambi ti ri ta ku onhaka ni ku lova emindzilekaneni ya wena; u ta thya rirhangu ra wena ‘ku hlayiseka’, ni tinyangwa ta wena ‘ku tlangela’.

Tinyangwa ta wena ti ta pfuriwa hi mikarhi hinkwayo, nhlekanhi ni vusiku a ti nga pfariwi, leswaku ku ta kota ku nghena vukosi bya matiko, ni tihosi ta wona ni malandza ya tona.

Tikamela to tala, ni tikamela letintshwa ta Midiyani, ni ta Efa, ti ta ku funengeta; hinkwavo va Xeba va ta ta, va ta tisa nsuku ni mirhi ya risuna, kutani va ta tlangela Yehovha.

Vana va n'eni va ta aka rirhangu ra wena, kutani tihosi ta vona ti ta ku tirhela, hikuva evukarini bya mina ndzi ku bile, kambe etintswalweni ta mina, ndzi ku tsetselele.

Kasi khale a u tshikiwile, u vengiwile, u tshamile u ri swaku, sweswi ndzi ta endla ha wena ku dzuna ka mikarhi, ni ku tsaka ka tinxaka hinkwato.

U ta an'wa mafi ya matiko, u ta an'wa vele ra tihosi; kutani u ta tiva leswaku mina Yehovha, ndzi muponisi wa wena, ni leswaku Lowa matimba wa Yakobo, i mukutsuri wa wena.