Popular Bible Verses from EZEKIELE 18

Share

Hikuva a ndzi tsakeli rifu ra loyi a lovaka, ku vula Hosi Yehovha. Hundzukani hakona, mi ta hanya!”

Moya lowu dyohaka hi wona lowu nga ta fa. N'wana a nga ka a nga rhwali nandzu wa tata wa yena, na yena tata wa munhu a nga ka a nga biwi hikwalaho ka n'wana wa yena. Ku lulama ka lowo lulama ku ta va ehenhla ka yena, kambe ku homboloka ka lowo biha ku ta va ehenhla ka yena.

Cukumetani swidyoho swa n'wina hinkwaswo leswi mi dyoheke ha swona, mi va ni timbilu letintshwa ni mimoya leyintshwa. Mi ta lova ha yini, n'wina, va yindlu ya Israele?

Xana ndzi ta tsakela rifu ra lowo biha-ke, ku vula Hosi Yehovha? Leswi ndzi swi tsakelaka hi leswaku munhu a hundzuka, a tshika mikhuva ya yena, a hanya.

“Loko mubihi a hundzuka eku dyoheni ka yena, loko a hlayisa milawu ya mina hinkwayo, a hanya hi nawu ni ku lulama, kunene u ta hanya, a nga ka a nga fi.

loko a famba hi milawu ya mina, a va a hlayisa ku lerisa ka mina, a ri karhi a tshembeka, munhu loyi u lulamile, kunene u ta hanya, ku vula Hosi Yehovha.