Popular Bible Verses from EKSODA 32

Share

Kakuloko tiko ri vona leswaku Muxe a hlwela ku xika entshaveni, ri hlengeletana eka Aroni, ri ku eka yena: “Tana, u hi endlela swikwembu leswi hi rhangelaka emahlweni, hikuva loko a ri Muxe, wanuna loyi a hi humeseke etikweni ra Egipta, a hi tivi lexi n'wi humeleleke.”

Kutani Yehovha a ku eka Muxe: “Suka u famba hikuva tiko ra wena, leri u ri humeseke etikweni ra Egipta ri tionhile. Va hatlisile ku hambuka ndlela leyi ndzi va leriseke yona; va tiendlele rhole leri chuluriweke va khinsama emahlweni ka rona, va ri endlele magandzelo va ku: ‘Hi xona xikwembu xa wena Israele lexi ku humeseke etikweni ra Egipta!’ ”

Kakuloko Aroni a vona sweswo, a aka alitari emahlweni ka rhole; kutani Aroni a huwelela, a ku: “Mundzuku wu ta va nkhuvo wa Yehovha!” Kutani va pfuka ka ha ri mixo, va humesa magandzelo lama hisiwaka, ni magandzelo ya ku khensa; kutani tiko ri tshama hansi, ri dya, ri nwa, kutani va suka va cina.

Kuteloko byi xile, Muxe a ku eka tiko: “Mi dyohile hi ku dyoha a lokukulu. Kambe sweswi ndzi ta tlhandlukela eka Yehovha, kumbe ndzi ta kuma ku rivaleriwa ka ku dyoha ka n'wina.”