Popular Bible Verses from EKLESIASTA 7

Share

U nga tshuki u hatlisa ku kariha embilwini ya wena, hikuva vukari byi salela exifuveni xa xihunguki.

Hi siku ra ku kateka, tsaka, kambe hi siku ra khombo anakanya. Xikwembu lexi endleke un'wana ni un'wana leswaku munhu a nga tshuki a tiva nchumu wa leswi nga ta n'wi humelela endzhaku.

Makumu ya mhaka ma tlula masungulo ya yona. Mbilu yo leha yi sasekile ku tlula mbilu leyi tikurisaka.

Kunene a ku na munhu wo tlhariha emisaveni la nga dyohiki ni siku ni rin'we.

Hikuva munhu u le ndzhutini wa vutlhari, kukotisa loko a ri endzhutini wa mali; na kona ku tiva ku sasekile hikuva vutlhari byi hanyisa lava nga na byona.

Ku twakala lokunene ku sasekile ku tlula mafurha ya risuna, ni siku ra ku fa ri tlula siku ra ku velekiwa.

Swi sasekile loko munhu a yingisela ku holovela ka lavo tlhariha ku ri ni ku yingisela risimu ra swihunguki.

Swi sasekile ku ya endlwini ya swirilo, ku tlula ku ya endlwini ya mikhuvo; hikuva kona hilaha ku helaka munhu wihi ni wihi, kutani munhu la hanyaka u ehleketa hakona.

Mbilu ya lavo tlhariha yi le ndlwini ya swirilo kasi mbilu ya swihunguki yi rhandza yindlu yo tsaka.