Popular Bible Verses from DEUTERONOMA 10

Share

“Kutani sweswi, Israele, Yehovha Xikwembu xa wena, a lava yini eka wena-ke? A hileswaku u chava Yehovha, Xikwembu xa wena, u famba etindleleni hinkwato ta yena, u n'wi rhandza, u tirhela Yehovha, Xikwembu xa wena, hi mbilu hinkwayo ya wena, ni moya hinkwawo wa wena; u ri karhi u hlayisa milawu ya Yehovha ni ku lerisa ka yena, leswi ndzi ku leriseke namuntlha leswaku u tsaka?

hikuva Yehovha, Xikwembu xa n'wina, Xikwembu xa swikwembu ni Hosi ya tihosi, i Xikwembu lexikulu, lexa matimba, ni lexi chavisaka, lexi nga yiki hi nghohe ya vanhu, lexi nga amukeriki tinyiko

Yimbisani timbilu ta n'wina, mi nga ha nonon'hwisi mikolo ya n'wina

lexi yingisaka timhaka ta xisiwana, ni ta noni; la rhandzaka muluveri, a n'wi nyika vuswa ni nguvu.

Ku dzuna ka wena, hi xona Xikwembu xa wena; hi xona lexi nga ku endlela timhaka letikulu ni leti chavisaka leti u ti voneke hi mahlo ya wena.

“U ta chava Yehovha, Xikwembu xa wena, u xi tirhela, u namarhela xona, u va u hlambanya hi vito ra xona.

“Waswivo! Matilo, ni matilo ya matilo i ya Yehovha, swin'we ni misava, ni hinkwaswo leswi nga eka yona.

Hikwalaho mi ta rhandza muluveri, hikuva a mi ri valuveri etikweni ra Egipta.