Popular Bible Verses from 1 VAKORINTO 15

Share

Hikwalaho, vamakwerhu lava rhandziwaka, tiyani swinene, mi nga tsekatsekeni, mi tirhela Hosi hi masiku, mi ri karhi mi swi tiva leswaku mitirho ya n'wina yi nga ka yi nga hundzuki swahava eHosini.

A hi khenseni Xikwembu lexi hi nyikeke ku hlula! Hi Hosi ya hina Yesu Kriste.

Mi nga tshuki mi tixisa; ku tolovela swo biha, swi borisa mikhuva leyinene.

Kambe hi tintswalo ta Xikwembu, ndzi loyi ndzi nga yena; kutani tintswalo ta xona eka mina a ti endliwanga swahava, kambe ndzi va tlulela kule hinkwavo hi ku tirha; ndzi nga ri mina kambe i tintswalo ta Xikwembu eka mina.

“Wena, rifu! Ndzhombo wa wena wu kwihi-ke? Wena sirha! Ku hlula ka wena ku kwihi-ke?” Ndzhombo wa rifu i xidyoho; kutani matimba ya xidyoho, i nawu.

Maswivo, ndzi mi byela xihundla: Hi nga ka hi nga etleri hinkwerhu, kambe hi ta hundzuka hinkwerhu; hi nkarhinyana lowu fanaka ni ku copeta ka tihlo, hi mhalamhala ya makumu; hikuva mhalamhala yi ta biwa, kutani vafi va ta pfuka va ri lava nga ha boriki, na hina hi ta hundzuka.

Hikuva rifu, leswi ri humeke hi munhu, ku pfuka ka vafi, na kona, ku hume hi munhu. Kukota leswi hinkwavo va faka hikwalaho ka Adamu, hinkwavo va ta tlhela va hanya ha Kriste.

Hikuva swa fanela leswaku miri wa ku bola wu funengetiwa hi lowu nga boriki, ni miri wolowo lowu faka, wu funengela leswi nga fiki.

Hikuva u fanele ku fuma a kondza a veka valala hinkwavo ehansi ka mikondzo ya yena. Nala la nga ta herisiwa eku heteleleni i rifu