Popular Bible Verses from Apocalipsis 7

Share

Cua jaɨcue rupi aecha jeta ete vae opaete ɨvɨ ambɨembɨe ipɨte güi yugüeru vae reta. Mbaetɨ quía ipuere uipapa. Jae reta uyemboɨ ñugüɨnoi jocua guapɨa jare Ovecha-raɨ jovai. Jae reta jemimonde tĩ jare ipo pe güɨnoi carandaɨ joquɨ.

Jare iñeeãta reve jei reta: —ÑaneTumpa guapɨa pe uguapɨ vae upurumbɨasa vae co. Ovecha-raɨ vi upurumbɨasa vae co —jei reta.

Echa'ã Ovecha-raɨ jocua guapɨa mbɨte pe oĩ vae uyandarecota jese reta jare güɨraata reta ɨcua ɨ oẽ vae tecove umee vae reta pe. Jare Tumpa oyoeta jesaɨ chugüi reta —jei.

Jáeramo yugüɨreco ma Tumpa iguapɨa jovai, jare uyeyocui reta Tumpa pe ara rupi jare pɨ̃tu rupi Tumpa jo pe. Jare guapɨa pe uguapɨ vae uyandarecota jese reta —jei—. Ndarau ye iyembaɨ reta. Ndarau ye iúe reta. Ndarau ye jasɨ chupe reta guarasɨ.

Jare aecha ĩru ángel ou guarasɨ oẽ vae cotɨ güi, jare jocua ángel güeru Tumpa imeño mai ico vae imarca. Jayave ángel iñeeãta reve jei jocua irundɨ ángel reta pe: —Agüɨye perucumegua ɨvɨ reta jare ɨ guasu reta jare ɨvɨra reta, ndei ñaneTumpa jembiocui reta isɨva numɨmarca mbove. Echa'ã jocua irundɨ ángel pe uñemee ma mbaepuere urucumegua vaerã ɨvɨ reta jare ɨ guasu reta. Jare ayandu mbovɨ Tumpa jembiocui reta ángel reta umɨmarca vae. Umɨmarca reta ciento cuarenta y cuatro mil Israel pegua reta opaete atɨ reta güi.