Popular Bible Verses from Apocalipsis 5

Share

Jare jae reta ucanta penti canta ipɨau vae. Ucanta cuarãi: —Jupi co nde nenoi vaerã jocua libro. Jupi co nde ndeequi vaerã jocua libro iyemboyaa reta. Echa'ã nde ndiyeyucaca jare ndeepɨ Tumpa imbae retarã nderugüɨ rupi opaete ɨvɨ ambɨembɨe pegua reta ipɨte güi.

Jare ángel reta iñeeãta reve jei: —Jupi co Ovecha-raɨ uyeyucaca vae güɨnoi vaerã mbaepuere, jare icocatu vaerã, jare iyaracuaa vaerã, jare uyembɨadoraca vaerã. Jupi co yasurupai tuicha ñamee vaerã chupe —jei reta.

Jare ndiyapo reta mburuvicha guasu retarã jare sacerdote retarã ipuere vaerã uyeyocui ñaneTumpa pe. Jare oporoyocuita reta ɨvɨ pe. Jucuarãi ucanta reta.

Jayave opaete ara pe jare ɨvɨ pe jare ɨvɨgüɨ pe jare ɨ guasu pe ñugüɨnoi vae reta ayandu jei: —Tuyembɨadoraca guapɨa pe uguapɨ vae jare Ovecha-raɨ jaeño mai pegua. Ñamee yasurupai tuicha chupe reta. Tugüɨnoi reta opaete mbaepuere.

Jayave penti tenondegua vae jei cheve: —Agüɨye iyao. Mase, Judá iñemoñaa reta pegua Yaguapɨ̃ta jee vae - jae co David Iyɨpɨ jee vae - upurumɨamɨri ma uequi vaerã jocua siete libro iyemboyaa jare uipea vaerã tupapire —jei.