Popular Bible Verses from Apocalipsis 10

Share

Ẽrei ĩru ángel umɨñeeta trompeta. Siete ma co cua re. Jare jocua ara reta pe jocua ángel umbɨpɨ umɨñee yave, Tumpa opata uyapo jocua tenonde yave uyecuaa'ã vae. Echa'ã Tumpa uicuaaca cua iñee aracae umɨmbeu vae reta pe. Echa'ã jae reta uyeyocui Tumpa pe.

Jayave ángel jei cheve: —Nemɨmbeu yeta co Tumpa iñee jeta ete vae ɨvɨ ambɨembɨe pegua pe jare mburuvicha guasu reta pe.

Jare aecha ĩru ángel ipɨrãta ete vae ugüeyɨ ou ara güi. Jemimonde co jae penti amapɨ̃tu jare iñãca re oĩ penti yɨɨ. Jova guarasɨ echa jare ipɨ mocui tata jendɨ vae echa.

Jayave aa ángel cotɨ jare jae chupe: —Emee cheve jocua libro michi vae. Jayave ángel jei cheve: —Ipɨsɨ opa jeu. Ndeu ma yave, nderɨe jasɨta ndeve, ẽrei ndeyuru pe jẽeta co ei rami —jei. Jayave aequi jocua libro michi vae ángel ipo güi jare opa jau. Jare cheyuru pe jẽe ete co ei rami. Ẽrei jau ma yave, cherɨe jasɨ cheve.