Popular Bible Verses from KubaseRoma 6

Share

Inkhokhelo yesono kufa; kodvwa sipho semusa saNkulunkulu sikuphila lokuphakadze ngaKhristu Jesu iNkhosi yetfu.

Sono akusafanele sibuse etikwenu, ngobe anisaphili ngaphansi kwemtsetfo, kodvwa niphila ngaphansi kwemusa.

Ngako-ke ngekubhajatiswa kwetfu sangcwatjwa kanye naye, kuze kutsi njengobe Khristu avuswa kulabafile ngemandla ebukhosi baBabe, kanjalo-ke natsi singayiphila imphilo lensha.

Futsi akusafanele kutsi ninikele titfo tenu esonweni tibe tikhali tekungalungi; kodvwa tinikeleni nine matfupha kuNkulunkulu njengobe ningulabavuswe ekufeni base bayaphila. Ngako-ke titfo tenu tinikeleni tibe tikhali tekulunga kuNkulunkulu.

siyati kutsi umuntfu wetfu lomdzala wabetselwa esiphambanweni kanye naye, khona kutewutsi umtimba wetfu wesono utewufa, singabe sisagcilatwa sono.

Kanjalo nani kufanele nitsatse ngekutsi nifile nehlukana nesono, kodvwa niphilela Nkulunkulu nikuKhristu Jesu.

Pho, siyawutsini-ke? Kufanele yini sichubeke siphile esonweni kuze kwandze umusa? Cha, akungabi njalo. Tsine lesesafa sehlukana nesono, pho, singachubeka kanjani siphile kuso?

Anati yini kutsi lowo lenitinikele kuye nitigcili takhe tekumlalela? Nitigcili talowo lenimlalelako, nome tesono kube kufa, nome tekulalela Nkulunkulu kube kwemukeleka kuye kutsi nilungile.

Akabongwe Nkulunkulu, ngobe benitigcili tesono kodvwa seniwatfobele ngenhlitiyo yenu yonkhe emaciniso emfundziso leseniyemukele. Nakhululwa esonweni, nase niba tigcili tekulunga.