Popular Bible Verses from KubaseRoma 12

Share

Ningalilingisi lelive, kodvwa niguculwe ngekwentiwa kabusha kwengcondvo yenu, khona nitekwati kuhlolisisa loko lokuyintsandvo yaNkulunkulu, nikwati lokuhle, nalokwemukelekako, nalokuphelele.

Ngako-ke, bazalwane, njengobe Nkulunkulu ube nesihawu lesikhulu kangaka kitsi, ngiyanincenga ngitsi nikelani imitimba yenu ibe ngumnikelo lophilako, nalongcwele, nalowemukeleka kuNkulunkulu; leyo-ke nguyona nkonzo yenu sibili.

Tfokotani etsembeni, nibeketele elusizini, nicinisele njalo emthandazweni.

Ningehlulwa ngulokubi, kodvwa yehlulani lokubi ngalokuhle.

Tsandzanani ngelutsandvo lwebuzalwane, nijakiselane ngekuhloniphana.

Lutsandvo kufanele lubete kutentisa. Tondzani lokubi, nibambisise lokuhle.

Nakunekwenteka, yentani konkhe lokusemandleni enu kutsi nihlalisane ngekuthula nebantfu bonkhe.

Bazalwane bami, ningatiphindziseleli, kodvwa yekelelani konkhe elulakeni lwaNkulunkulu; ngobe kubhaliwe kutsi: “Kuphindzisela ngekwami, mine ngiyawubuyisela, kusho iNkhosi.”

Khutsalani, ningaphelelwa ngumdlandla, nivutse emoyeni, nikhonte iNkhosi.

Ngenca yesipho semusa saNkulunkulu kimi, ngitsi kini nonkhe: Ningacabangi kutsi nibakhulu kunaloku leningiko. Esikhundleni saloko zitsani ekucabangeni kwenu, ngulowo nalowo atehlulele ngebungako bekukholwa kwakhe lakunikwe nguNkulunkulu.

Ningabuyiseli kunobe ngubani lokubi ngalokubi, kodvwa yentani lokubonakala kukuhle emehlweni abo bonkhe bantfu.

Nibambisane ngamoya munye nonkhe. Ningafisi lokuphakeme, kodvwa nibe nebudlelwane nalabatfobekile. Ningacabangi kutsi nihlakaniphile.

Cha, “nangabe sitsa sakho silambile, siphe kudla, nangabe somile, sinatsise; ngobe ngekwenta njalo utawube umtsela ngemahloni ekutisola.”

Busisani labanitingelela kunihlupha; yebo, nibusise ningacalekisi. Nijabule nalabajabulako, nikhale nalabakhalako.

Hlanganyelani nalabangcwele ekwesweleni kwabo, nikhutsale ekungeniseni tihambi.

Njengobe umtimba umunye unetitfo letinyenti, tonkhe leto titfo tinemisebenti leyehlukene, kanjalo-ke, natsi sibanyenti nje singumtimba munye kuKhristu, sititfo letehlukene lesinye kulesinye.