Popular Bible Verses from KubaseRoma 1

Share

Anginamahloni ngeliVangeli, ngobe lingemandla aNkulunkulu ekusindzisa bonkhe bantfu labakholwako, kucala emaJuda, kulandzele emaGriki.

Ngobe liVangeli lembula kutsi Nkulunkulu wenta kanjani kutsi bantfu balungelane naye: Kungekukholwa, kusuka ekucaleni kuye ekugcineni, njengobe umBhalo utsi: “Lolungile ngekukholwa utawuphila.”

Kusukela ekudalweni kwemhlaba nemkhatsi emandla akhe laphakadze nebuNkulunkulu bakhe bebufihlekile emehlweni ebantfu; noko bebukhona etingcondvweni kutsi bubonakale etintfweni latentile. Ngako-ke bate taba

ngobe batsi kantsi Nkulunkulu bayamati bangete bambonga bamnike neludvumo lolumfanele njengaNkulunkulu. Esikhundleni saloko imicabango yabo yaba lite, netinhlitiyo tabo taba mnyama.

Baguculele liciniso laNkulunkulu balenta emanga; bakhonta, badvumisa indalo kunekukhonta nekudvumisa uMdali lokunguyena abongeka kuze kube phakadze. Amen.

Lulaka lwaNkulunkulu lubonakala luphuma ezulwini lwehlela etikwako konkhe kungamesabi Nkulunkulu nekungalungi kwebantfu labavimba liciniso ngekungalungi kwabo.

Ngako-ke Nkulunkulu ubayekelele etinkhanukweni letilihlazo. Labasikati bakhona bagucule imvelo lengabe bayenta kulabadvuna, kodvwa bagucuke balalana bodvwana, benta labebangakadalelwa kona. Kanjalo nemadvodza ayekele kulalana nalabasikati, kodvwa adliwa yinkhanuko ase alalana odvwana; ngako atfola sijeziso lesifanele kona kwawo. Njengobe abafunanga kumati Nkulunkulu, ngako wababukelela, tingcondvo tabo taba butsakatsaka, netimilo tabo tonakala.

Batsi bahlakaniphile, besuka baba tilima; bashiya bukhosi baNkulunkulu longabhubhi, bakhonta umfanekiso wemuntfu lobhubhako, newetinyoni, newetilwane letihamba ngetinyawo letine, newaletihamba ngesisu.