Popular Bible Verses from Sembulo 8

Share

Latsi kube liWundlu licatulule luphawu lwesikhombisa, kwathula ezulwini kwatsi dvu, sikhashane.

Ingilosi yekucala yalishaya licilongo layo, kwase kulandzela sangcotfo nemlilo kuhlangene nengati lokwawela emhlabeni; incenye yesitsatfu yemhlaba yasha yaphela, nencenye yesitsatfu yetihlahla yasha yaphela, kanye netjani bonkhe lobuluhlata basha baphela.

Kwatsi kusenjalo ngabona lusweti lundiza emkhatsini welizulu. Ngaluva lumemeta ngelivi lelikhulu lutsi: “Maye! Maye! Maye kulabakhile emhlabeni, nasekukhala emacilongo lasetawushaywa tingilosi letintsatfu!”

Ingilosi yesibili yalishaya licilongo layo. Kwabonakala intfo leyayinjengentsaba lenkhulu ivutsa umlilo, ijikijelwa ekhatsi elwandle. Incenye yesitsatfu yelwandle yaba yingati.

Ingilosi yesitsatfu yalishaya licilongo layo, kwase kuwa inkhanyeti lenkhulu ezulwini, ivutsisa kwesibane, yawela etikwencenye yesitsatfu yemifula nasetikwemitfombo yemifula. Libito lalenkhanyeti bekunguMhlonyane. Incenye yesitsatfu yemanti yababa, kwafa bantfu labanyenti babulawa ngulamanti, ngobe abebaba.

Ingilosi yesine yalishaya licilongo layo; kwashaywa incenye yesitsatfu yelilanga, nencenye yesitsatfu yenyanga, nencenye yesitsatfu yetinkhanyeti, loko kwenta kutsi incenye yesitsatfu yekukhanya kwako ibe mnyama; nencenye yesitsatfu yemini yangete yakhanya, kanjalo futsi nencenye yesitsatfu yebusuku.