Popular Bible Verses from Sembulo 16

Share

“Lalelani! Ngiyawufika njengelisela! Ubusisiwe lolindzile, agcine tingubo takhe kutsi angahambi ngcunu, kudzimate kubonakale lihlazo lakhe.”

Ingilosi yesitfupha yatfululela sitja sayo etikwemfula lomkhulu i-Yufrathe. Emanti awo oma, kwavuleka indlela yemakhosi laphuma emphumalanga.

Bekungimimoya yemadimoni, lanemandla ekwenta tibonakaliso. Beyiphumele kuyawuhlanganisa emakhosi emhlaba wonkhe, iwalungiselela imphi yelilanga lelikhulu laNkulunkulu, Somandla.

Ngase ngibona imimoya lemibi lemitsatfu: Lomunye wawuphuma emlonyeni wanyokangwenya, lomunye uphuma emlonyeni wesilo, lomunye uphuma emlonyeni wemphrofethi wemanga. Lemimoya beyinjengetigogodvolo.

Bantfu bashiswa kakhulu, badzimate bacalekisa libito laNkulunkulu lonemandla etikwaletinhlupho; kodvwa abazange baphendvuke badvumise nebukhosi bakhe.

Ingilosi yekucala yahamba yafike yatfululela sitja sayo emhlabeni. Kwatsi bonkhe bantfu lababeneluphawu lwesilo, labebakhonta umfanekiso waso, bamilwa tilondza letibi.

Lemimoya yabutsela ndzawonye emakhosi endzaweni lekutsiwa yi-Amagedoni ngesiHebheru.