Ngifundzise indlela yakho, Simakadze,
ngiyawuhamba ecinisweni lakho;
yenta inhlitiyo yami
ihlose intfo yinye:
kutsi ilesabe libito lakho.

Ngobe wena, Nkhosi,
ulungile futsi ulungele kutsetselela,
umusa wakho uyabaphuphumela
labo labakhala kuwe.

Kodvwa wena, Simakadze,
unguNkulunkulu lonesihawu,
nebubele, nekubeketela,
uphuphuma umusa nekwetsembeka.

Ngiyawukubonga, Simakadze,
Nkulunkulu wami,
ngikudvumise ngenhlitiyo yami yonkhe,
ngidvumise libito lakho
kuze kube phakadze.

Ngelilanga lekuhlupheka kwami
ngikhala kuwe,
ngobe wena uyangiphendvula.

Popular Bible Verses from Tihlabelelo 86

Free Reading Plans and Devotionals related to Tihlabelelo 86