Ngobe nguwe, Simakadze,
lolitsemba lami,
Simakadze ulitsemba lami,
kwasebusheni bami.

Bani lidvwala lesiphephelo kimi,
lengingaphephela kulo nome nini,
wena lowayala kutsi ngisindziswe,
ngobe nguwe lidvwala lami nesiphephelo sami.

Kepha mine
ngiyawukwetsembela kuwe njalonjalo,
ngengete kukudvumisa
ekukudvumiseni kwami.

Awu, Simakadze!
Ngikhosela kuwe,
ungavumi ngijabhiswe nakanye.

Umlomo wami uyawugcwala kukubonga,
ngimemetele bukhosi bakho
imihla ngemihla.

Umlomo wami
uyawulandza ngekulunga kwakho,
uvakalise insindziso yakho onkhe emalanga,
ngobe yinyenti ngehluleka nekuyikala.

Popular Bible Verses from Tihlabelelo 71

Free Reading Plans and Devotionals related to Tihlabelelo 71