Popular Bible Verses from Tihlabelelo 51

Share

Hhawu, Nkulunkulu, dala kimi inhlitiyo lehlantekile, uvuselele kimi umoya wekulunga.

Buyisela kimi kutfokota kwensindziso yakho, ungisimise ngekungipha umoya lovumako

Ungangicoshi ebusweni bakho, ungangemuki Moya wakho Longcwele.

Umhlatjelo lowemukeleka kuNkulunkulu ngumoya lowephukile nenhlitiyo ledzabukile. Nkulunkulu ngeke awubukele phansi.

Ngihawukele, Nkulunkulu, ngekwemusa wakho; yesula tiphambuko tami ngekwesihawu sakho lesikhulu. Ngigezisise ebubini bami, ngihlambulule esonweni sami.

Ngihlambulule ngehisophu, ngitewuhlambuluka. Ngigeze ngibe mhlophe kunangcocwane.

Ngonile kuwe, wena wedvwa, ngente lokunengekako emehlweni akho; ngako kwehlulela kwakho kumsulwa, nekungilahla kwakho ngelicala kulungile.