Ngikhala kuwe, Simakadze, ngitsi:
“Wena usiphephelo sami,
nesabelo sami ngisaphila.”

Ngikhulule kulelijele lengikulo,
kuze ngitewubonga libito lakho.
Labalungile bayawungihaca,
ngobe wena uyawungiphatsa kahle.

Umoya wami nase uphelelwa ngemandla,
wena ucaphela tinyatselo tami.
Endleleni lapho ngitawuhamba khona
bangifihlele lugibe.

Ngikhala kuSimakadze ngelivi lami.
Ngincenga Simakadze ngelivi lami.

Vani kukhala kwami,
ngobe ngicindzeteleke kakhulu.
Ngephule kulabo labangitingelako,
ngobe banemandla kunami.

Popular Bible Verses from Tihlabelelo 142

Free Reading Plans and Devotionals related to Tihlabelelo 142