Popular Bible Verses from Tihlabelelo 139

Share

Ngiyakudvumisa ngobe ngentiwe ngendlela leyesabekako nalemangalisako. Imisebenti yakho iyamangalisa, loko ngikwati kahle kamhlophe.

Ngihlolisise, Nkulunkulu, wati inhlitiyo yami! Ngilinge, wati imicabango yami, ubone kutsi kute yini lokubi ekuhambeni kwami, bese ungiholela endleleni yaphakadze.

Ngobe nguwe lowadala imibilini yami, wangeluka esiswini samake.

Wangibona ngiselihlwili. Onkhe emalanga ami abhalwa encwadzini yakho, ajutjwa, lisengakefiki nalinye lawo.

Simakadze ungihlolisisile, uyangati.

Ngingayaphi ngisuke kuMoya wakho? Ngingashona kuphi ngibaleke ebusweni bakho?

Uyakwati kuhlala kwami nekuvuka kwami, imicabango yami uyati ingakaveli.

Livi litsi liselulwimini lwami, wena, Simakadze, ube sewulati ngalokuphelele.

Uhlolisisa kuhamba kwami nekulala kwami, uyatati tonkhe tindlela tami.