Popular Bible Verses from Taga 1

Share

Kwesaba Simakadze kusicalo selwati, tilima tiyakwedzelela kuhlakanipha nemiyalo. Ndvodzana yami, lalela umyalo weyihlo, ungayali imfundziso yenyoko

Labate lwati babulawa kweduka kwabo; tilima tibulawa kweneliseka kwato. Kodvwa lowo lolalela mine utawuhlala aphephile, akhululeke, angesabi lutfo lolubi.”

Labahlakaniphile batsi bangatilalela kwengeteke lwati lwabo; nalabanengcondvo batsi bangatifundza batente, batfole bungcweti

Ndvodzana yami, nangabe toni tikuyenga, ungacali uvume

Taga taSolomoni, umsa waDavide, inkhosi yema-Israyeli. Letaga tenta umuntfu akwati kuhlakanipha nekwekhuteka, acondzisise inchazelo yemavi lajulile. Tifundzisana kuphila ngebucotfo bengcondvo, nekwenta kulunga, nekungakhetsi. Tenta losengakaliboni live abe nekuhlakanipha, tifundzise labasha kuba nelwati nekuzitsa.

“Bayawube sebayangibita, kodvwa ngingeke ngisabele; batangifunisisa, kodvwa bangeke bangitfole. Ngobe batondza lwati, abazange bakhetse kwesaba Simakadze.