Popular Bible Verses from Matewu 7

Share

“Celani, nitawuphiwa; funani, nitakutfola; nconcotsani, nitakuvulelwa.

Ngobe wonkhe locelako uyakuphiwa, nalofunako uyatfola, nalonconcotsako uyavulelwa.

“Ngako-ke wonkhe umuntfu lova lamavi ami awente, ufanana nendvodza lehlakaniphile, leyakha indlu yayo etikwelidvwala.

“Ngako-ke konkhe lenifisa kutsi bantfu bakwente kini, kwenteni nani kubo; ngobe ngulowo umgogodla wemtsetfo newemfundziso yebaphrofethi.”

Kepha lisango lincane nendlela yincane leyisa ekuphileni, nebantfu labayitfolako bambalwa.”

“Ngenani ngelisango lelincane, ngobe lisango libanti nendlela ibanti leyisa ekubhujisweni, banyenti labangena ngalo.

Nangabe-ke nine lenibabi kangaka nikwati kubapha bantfwabenu tipho letinhle, kakhulu kangakanani-ke uYihlo losezulwini utakubapha lokuhle labacela kuye.

“Ningabehluleli labanye, kuze nani ningetikwehlulelwa nguNkulunkulu. Ngobe ngaloko kwehlulela lenehlulela ngako labanye, nani niyakwehlulelwa ngako; nangaleso silinganiso lenilinganisa ngaso, nani niyakulinganiswa ngaso.

“Lowo lova lamavi ami angawenti, ufanana nendvodza lesilima, leyakha indlu yayo esihlabatsini.

Pho, ulunakeni lutsi lolusesweni lwemzalwane wakho, kodvwa ube ungalunaki lolugodvo lolusesweni lakho? Nome-ke ungasho kanjani kumzalwane wakho utsi: ‘Ase ngikukhiphe nalu lutsi lolusesweni lakho,’ ibe kantsi kuvundle lugodvo esweni lakho?

“Caphelani baphrofethi bemanga, labeta kini banjengetimvu ngaphandle, kodvwa ngekhatsi banjengetimphisi letibukhali. Niyawubati ngemisebenti yabo, njengetihlahla tatiwa ngetitselo tato. Emagelebisi angakhiwa yini etihlahleni temanyeva, nome emakhiwa elugaganeni?

Sihlahla lesimnandzi sitsela titselo letimnandzi, kantsi sihlahla lesibi sitsela titselo letimbi.

Sihlahla lesimnandzi singeke sitsele titselo letimbi, kanjalo futsi nesihlahla lesibi singeke sitsele titselo letimnandzi.

Sonkhe sihlahla lesingatseli titselo letimnandzi, siyajutjwa, silahlwe emlilweni.