Popular Bible Verses from Matewu 5

Share

Kute umuntfu lokhanyisa sibane bese usibeka ngephansi kwesitja; kodvwa usibeka endzaweni yaso, kuze sikhanyisele wonkhe umuntfu losendlini. Kanjalo-ke akukhanye kukhanya kwenu embikwebantfu, kuze babone lokulungile lenikwentako, bese badvumisa uYihlo losezulwini.”

“Nine nikukhanya kwelive. Lidolobha lelakhiwe entsabeni lephakeme lingeke lisitseke.

Babusisiwe labahlantekile enhlitiyweni, ngobe bayawumbona Nkulunkulu.

Babusisiwe labalambele bomele kulunga, ngobe bayakwesutsiswa.

Kodvwa mine ngitsi kini: Tsandzani titsa tenu, nibakhulekele labanitingelela kunihlupha

“Babusisiwe labamphofu emoyeni, ngobe umbuso welizulu wabo.

Babusisiwe labalamulako, ngobe bayawutsiwa bantfwana baNkulunkulu.

Babusisiwe labakhalako, ngobe bayawudvudvutwa.

Babusisiwe labatingelwa bahlushwe ngenca yekulunga, ngobe umbuso welizulu wabo.

Babusisiwe labanesihawu, ngobe bayawuhawukelwa.

“Nibusisiwe nabanetfuka, banitingele, banihluphe, bakhulume konkhe lokubi ngani, banicalele emanga ngami. Jabulani nitfokote, ngobe umvuzo wenu mkhulu ezulwini; ngobe nebaphrofethi labanendvulela babatingela babahlupha kanjalo.”

Babusisiwe labamnene, ngobe bayawudla lifa lemhlaba.

“Nine niluswayi lwelive, kodvwa nangabe luswayi selulahlekelwe bunandzi balo, pho, lobunandzi balo bungabuyiselwa njani? Alusenamsebenti walutfo, kuphela nje kutsi lulahlwe ngephandle, lunyatselwe ngetinyawo.

Ngako-ke nani banini ngulabaphelele, njengobe neYihlo losezulwini aphelele.”

Nanivuma nibotsi: ‘Yebo’ nome-ke nitsi: ‘Cha’ nangabe niyala; ngobe lokwendlula lapho kuvela kuLomubi.”

“Nivile futsi kutsi kwatsiwa: ‘Liso ngeliso, litinyo ngelitinyo.’ Kodvwa mine ngitsi kini: Ningamelani nalokubi; umuntfu nakakumukula esihlatsini sangesekudla, mnike nalesi lesinye.

Nangabe liso lakho langesekudla likonisa, likhokhe ulilahle; ngobe kuncono kuwe kulahlekelwa sitfo sinye semtimba kunekutsi umtimba wakho wonkhe ulahlwe uphelele esihogweni. Nangabe sandla sakho sangesekudla sikonisa, sijube usilahle; ngobe kuncono kuwe kulahlekelwa sitfo sinye semtimba kunekutsi umtimba wakho wonkhe ulahlwe uphelele esihogweni.”