Popular Bible Verses from Jeremiya 8

Share

Sekute yini ibhalisamu kulakaGileyadi? Sekute yini inyanga lapho? Kepha sekute leni kuphiliswa kwemanceba ebantfu bami?

“Khuluma kubo utsi: ‘Naku lokushiwo nguSimakadze, utsi: “ ‘Bantfu nabawa, bayaye bangabe basavuka yini? Umuntfu nakahlubuka, uyaye angabe asabuya yini?

Ngisho nagilonki esibhakabhakeni uyatati tikhatsi takhe letimisiwe, nelituba, nenkonjane, nadvoye, kuyatigcina tikhatsi tako tekuhamba, kodvwa sive sami asitati timiso taSimakadze.

Ngibalalele kahle hle, kodvwa abakhulumi lokulungile. Kute namunye lophendvukako ebubini bakhe, atibute, atsi: “Ngenteni kantsi?” Ngulowo nalowo utihambela ngendlela yakhe njengelihhashi nalihlasela ekulweni.

Labahlakaniphile bayawuhlazeka; bayawujabhiswa, babhajwe elugibeni. Njengobe balilahlile livi laSimakadze nje, banakuphi-ke kuhlakanipha?