Popular Bible Verses from Isaya 45

Share

Ngiyawukunika ingcebo yebumnyama, bunjinga lobubekwe etindzaweni letiyimfihlo, khona utewukwati kutsi mine nginguSimakadze, Nkulunkulu wema-Israyeli, lokubita ngelibito lakho.

Ngiyawuhamba embikwakho ngente tintsaba tibeke. Ngiyakwephula emasango elitfusi, ngijube imigcala yetinsimbi lengimishudvo.

NginguSimakadze, futsi kute lomunye, ngaphandle kwami kute Nkulunkulu; ngiyawukuhlomisa, wena ungakangemukeli nje, khona kutewutsi kusukela emphumalanga kuze kube ngusenshonalanga, tive tati kutsi kute lomunye ngaphandle kwami. NginguSimakadze, futsi kute lomunye.

Ngenta kukhanya, ngidale bumnyama, ngiletsa lokuhle, ngidale lokubi, mine Simakadze, ngitenta tonkhe letintfo.”

“Buyani kimi, nisindziswe, nonkhe nine mikhawulo yemhlaba; ngobe nginguNkulunkulu, futsi kute lomunye.

“Naku lokushiwo nguSimakadze kulogcotjiwe wakhe, kuKhuresi, lengibambe sandla sakhe sangasekudla, ngentela kwehlula tive embikwakhe, ngemuke emakhosi tikhali tawo, ngivule neminyango embikwakhe, kuze emasango angetiwuvalwa, ngitsi kuye

Ngitifunge mine, umlomo wami ukhulume ngabo bonkhe bucotfo livi lelingeke liphindze liguculwe, litsi: Emadvolo onkhe ayawukhotsama embikwami; tonkhe tilimi tiyawufunga ngami.

Ngenca yaJakobe, inceku yami, Israyeli lokhetsiwe wami, ngikubita ngelibito lakho ngikunika libito leludvumo, noko wena awungemukeli.