Popular Bible Verses from Isaya 35

Share

labahlengiwe baSimakadze bayawubuya. Bayawungena eSiyoni ngekuhlabela, nangekujabula kwaphakadze lokuyawuba ngumchele etinhloko tabo. Bayawuhamba ngekutfokota nangekujabula, lusizi nekububula kuyawubaleka.

Cinisani tandla letibutsakatsaka, nikhutsate emadvolo lacekako. Khulumani kulabanetinhlitiyo letesabako nitsi: “Cinani, ningesabi, Nkulunkulu wenu uyeta, uyawufika nekuphindzisela nekujezisa kwakhe, utawufika atenisindzisa.”

Kuyawuba khona umgwaco lomkhulu lapho, uyawubitwa ngekutsi Yindlela Yebungcwele. Labangcolile ngeke bahambe ngawo, uyakuba walabo labahamba ngawo lomgwaco, tilima letikhohlakele ngeke tihambahambe ngawo.

Emehlo etimphumphutse ayawuvuleka, netindlebe tetihhulu tiyawuva.

Labachutako bayawusuka emagonso njengenyamatane, nelulwimi lwesimungulu luyawumemeta ngenjabulo. Emanti ayawugeleta ehlane, kube nemifudlana elugwadvule.