Popular Bible Verses from Isaya 26

Share

Wena Simakadze, lowo lotimiselako ngawe uyamlondvolota, umuphe kuthula nenhlalakahle, ngobe abeke litsemba lakhe kuwe.

Yetsembelani kuSimakadze kuze kube phakadze, ngobe Simakadze nguSimakadze loLidvwala laphakadze.

Umphefumulo wami ulangatelela wena ebusuku; ekuseni umoya wami ulangatelela wena. Ngesikhatsi tehlulelo takho tehlela etikwemhlaba, tive temhlaba tifundza kulunga.

Simakadze, wena usentela kuthula, konkhe loku lesiphumelele kukwenta, sikwentelwe nguwe.

Yebo, Simakadze, sihamba endleleni yemitsetfo yakho, silindzela wena; Libito lakho neludvumo lwakho ngutona tifiso tetinhlitiyo tetfu.

Indlela yalolungile ibekile. Awu, wena Locondzile, wenta indlela yalolungile icondze.

Uyabatfobisa labo labahlala ekuphakameni, ulalisa phansi lidolobha leliphakeme, alente lilingane nemhlabatsi, alilahle phansi elutfulini.

Vulani emasango, kuze sitewungena sive lesilungile, sive lesigcina kukholwa.