Popular Bible Verses from KumaHebheru 12

Share

Ngako-ke, njengobe situngeletwe sicumbi lesikhulu kangaka sabofakazi, asilahle konkhe lokusindzako, nesono lesigigelana njengelwanca. Asigijime ngekucinisela kulomncintiswano losembikwetfu, emehlo etfu angesuki kuJesu longumsunguli nemphelelisi wekukholwa kwetfu. Ngenca yekujabula labekubekelwe Jesu wacinisela ngekwetfwala siphambano, wangete walinaka lihlazo laso; wahlala ngesekudla sesihlalo sebukhosi saNkulunkulu.

Ngobe ngesikhatsi sisayalwa kuvakala kubuhlungu kunekutsi kujabulise, noko kamuva sivuno saloko kuyalwa sibonakala sinesitselo sekuthula nesekulunga, kulabo labaceceshwe ngako.

Yetamani kuba nekuthula nabo bonkhe bantfu, nifune kungcweliswa, ngobe kute loyawuyibona iNkhosi angakangcweliswa.

Mkhumbuleni yena lowo lowacinisela, nome toni setimhlukumeta ngenca yenzondo. Nanimkhumbula-ke, ningeke nidzinwe nome nidzangale etinhlitiyweni tenu.

Ngako-ke asibonge kwemukela umbuso longeke unyakatiswe, sikhonte Nkulunkulu ngalokwemukelekako, simhloniphe ngekutfutfumela

Ciniselani ekuyalweni. Nkulunkulu uniphatsa njengemadvodzana akhe; ngobe vele ikhona yini indvodzana lengayalwa nguyise?

ngobe loNkulunkulu wetfu ungumlilo locotfulako.

Phela bobabe babesiyala kwesikhashana ngekubona kwabo, kodvwa yena usiyalela kutsi kutewusitakala tsine, kuze sibe nesabelo ebungcweleni bakhe.

Nisengakemelani nesono, kudzimate kucitseke ingati yenu.