Popular Bible Verses from Umshumayeli 7

Share

Ungasheshi ucansuke emoyeni wakho, ngobe intfukutselo ihlala esifubeni sesilima.

Natintfo tihamba kahle, tsakasa; kodvwa natintfo tingahambi kahle, khumbula naku: Nkulunkulu ukuvumela kutsi kwenteke kokubili. Ngako-ke umuntfu angeke akwati kubona lutfo ngelikusasa lakhe.

Siphetfo sentfo sincono kunesicalo sayo, nekubeketela kuncono kuneligcabho.

Kute nome munye umuntfu lolungile emhlabeni lowenta lokuhle kuphela, kubete lakonako.

Kuhlakanipha kuyintfo yekukhosela njengobe nemali kuyintfo yekukhosela, kodvwa buhle belwati kutsi: Kuhlakanipha kuyawulondvolota kuphila kwemnikati wako.

Libito lelihle lincono kunemakha lamnandzi, nelilanga lekufa lincono kunelekutalwa.

Kuncono kulalela nawekhutwa ngumuntfu lohlakaniphile kunekunaka kubongelelwa tilima.

Kuncono kuya endlini lapho kulilwa khona kunekuya endlini lapho kunelidzili khona, ngobe kufa kusiphetfo sabo bonkhe bantfu; labo labaphilako kufanele bakufake enhlitiyweni yabo loko.

Inhlitiyo yalabahlakaniphile isendlini yalabalilako, kodvwa inhlitiyo yetilima isendlini yalabatsakasile.