Popular Bible Verses from 2 Emakhosi 2

Share

Batsi kube bewele, Elija wakhuluma ku-Elisha, watsi: “Ase ungitjele, ufuna ngikwenteleni ngisengakasuswa kuwe?” Elisha waphendvula, watsi: “Ngicela kutsi ungiphe sabelo sebundlalifa semoya wakho sesiphindvwe kabili.”

Batsi basahamba bakhulumisana bobabili, masinyane kwachamuka incola yemlilo idvonswa ngemahhashi emlilo, yabehlukanisa ekhatsi, Elija wenyuka ngesiwunguwungwana wayawushona ezulwini.

Elija watsi: “Ucele intfo lelukhuni; noko nawutangibona sengitsatfwa kuwe, kutakuya njengesicelo sakho; kodvwa nawungangiboni, kungeke kube njalo.”

Wabe sewushaya lamanti emfula ngalengubo. Wabuta watsi: “Uphi-ke loSimakadze, Nkulunkulu wa-Elija?” Watsi kube awashaye lamanti, ehlukana ekhatsi, aya ngesekudla nangesancele, wabe sewuyewela.

Elisha wakubona loko wakhala, amemeta, watsi: “Babe wami! Babe wami! Incola yaka-Israyeli nebagibeli bakhe bemahhashi!” Elisha akazange aphindze ambone futsi. Ngenca yekudzabuka kwakhe Elisha watsatsa lesembatfo sakhe wasidzabula, saba ticephu letimbili.

Elija watsatsa sembatfo sakhe wasigocota, wabe sewushaya ngaso lamanti. Emanti ehlukana ekhatsi, aya ngesekudla nangesancele, lamadvodza lamabili ewela ahamba emhlabatsini lowomile.

Watsi Simakadze nasatawutsatsa Elija amenyusele ezulwini ngesiwunguwungwana, bo-Elija na-Elisha babesendleleni lephuma eGilgali.