Popular Bible Verses from Matthew 24

Share

ꞋInkꞌez ꞌukꞌu nulheꞌustꞌenne, ꞌenne ꞌon nus ꞌuhulsiꞌ tileh. Dune ye lhkꞌesiꞌ-i, ꞌi cha kꞌoh ꞌutinelh. ꞋEt hoontsꞌi mbene la whula toh whutsꞌun whulh úsyinne, ꞌenne za hudutijih.

ꞋEt yakꞌuz kꞌuneꞌ whulꞌen-un ghun khuni unzoo-i yun kꞌut ndulcho whe be yatiduk. ꞋI be ndi yun kꞌut whutꞌenne, buba whubuntilhtun tileh. ꞋEt de ꞌawet whula toh whusaóotiltsꞌulh.”

Dune lhugan-un whulh ꞌúdutahtsꞌo. ꞋInkꞌez dune lhutigan-un cha howu yahutilhduk. ꞋEt cha whudutáhtsꞌo. Khun te whénoolhjut junih. Dawhutanelh la ꞌet tsꞌiyawh nduwhutanelh, ꞌet hoontsꞌi ꞌawhuz whula toh iloh ꞌuhoontꞌoh.

ꞋEt lhelhdowh didowhne lhchꞌaz nehúdutadulh. ꞋInkꞌez yinka ndulcho lerwe be ꞌustlenne cha lhehútidulh. Dai whútaleh, ꞌinkꞌez dada cha whutáleh. ꞋInkꞌez lhelhdun yun nukhutitnah. Njan dzoh nutsꞌudeh-un ꞌandit tsꞌiya wheꞌ whuditꞌen wheꞌ whutatꞌelh.

Yat ꞌinkꞌez ndi yun kꞌut cha gak whutaleh. ꞋEt hoontsꞌi sghuni ꞌaw gak lhtisdleh.

Lhane sooziꞌ gha whusahutidulh ꞌinkꞌez ꞌuhudutinelh, Christ unli-un, si ꞌustꞌoh, nduhutni whe lhane nahuntiꞌah.

ꞋOh de neooninzut de, dzoh nunohotilhdeh ha whutlꞌa nohotilelh. Whulohne nohotighan. ꞋInkꞌez si sooziꞌ gha yinka whutꞌenne nohtsꞌo dutitni. ꞋInkꞌez ꞌet lhane buba dzoh tileh, ꞌinkꞌez nohnichꞌoh nohtoh lhgha ha whútilhyeh ꞌinkꞌez lhtsꞌu dutihtni. Lhane whutsꞌit be nus hooꞌen unline, lhane dune nahuntiꞌah.

ꞋEt Jesus ndúbulhni, “Soo cho howahli. Khun te dune nanohnooꞌah junih.

ꞋEt huwa nohni cha lhadóohtꞌeꞌ. Ntsꞌowhuya whudizulh-un, ꞌet ookwa tse lhúwhahlih-un, ꞌet Yinka Dune Yeꞌ ꞌet whusatiyalh.”

ꞋEt huwa huwahli! Ntsꞌoya hoozulh whe nohMoodihti whusatiyalh ꞌaw tꞌeoonuzahzun.

Ndet dzin ꞌinkꞌez ntsꞌoya hoozulh whe ꞌuwhutanelh, ꞌaw tꞌeoonínzunne hooloh. Lizas yakꞌuz dilhtsꞌine, ꞌenne hoontsꞌi ꞌaw tꞌehonúszun. ꞋUBá yakꞌuz usda-un, ꞌaw ꞌen za tꞌeooninzun.

ꞋAlhaꞌ whutsꞌit be christne ꞌinkꞌez whutsꞌit be nus hooꞌenne, lhane nohtoh whutaleh. ꞋInkꞌez nohtoh tube hooncha te neꞌhutitꞌen. ꞋInkꞌez huwa ꞌitꞌen-un cha nohtoh neꞌhutitꞌen. Njan ndó titꞌelh-un, khun tilah ꞌutꞌahályane nabonooꞌah huninzun, ꞌet hukwaꞌ hutitꞌelh.

ꞋOh daꞌ Noah khuna daꞌ, dune dahíntꞌoh la, ꞌet whuz unꞌa za ꞌuwhutátꞌelh whe Yinka Dune Yeꞌ whusanátidalh. Soo cho whunulhꞌen, yun ka too beꞌ whutanelh, whutsodaꞌ tsꞌiyanne ꞌaꞌalh ꞌinkꞌez ꞌuhutnai. Dune ꞌinkꞌez tsꞌekoo bulh lhgho dilhtsꞌi, Noah tsꞌi cho be tiyalh ꞌet whutsꞌun. Dunene ꞌaw tꞌehonuszun nkede too dudutáltꞌo. ꞋEt ꞌawet dutadiltꞌo whe tsꞌiyawh too ꞌubanghan. ꞋEt whuz unꞌa za Yinka Dune Yeꞌ whusainya de, ꞌet ndó tanelh.