Popular Bible Verses from Roma 6

Share

Auā o le oti, o le totogi lea o le agasala; a o le ola e fa‘avavau, o le mea foa‘ifuaina mai lea e le Atua, i lo tatou Ali‘i o Keriso Iesu.

Auā e lē pule le agasala ‘iā te ‘outou; auā ‘ua ‘outou lē nonofo i le tulafono, a o le alofa tunoa.

O lenei, ‘ua tatanu fa‘atasi i tatou ma ia i le papatisoga i lona maliu; ‘ina ‘ia tatou sāvavali i le ola toefuata‘iina pei ‘ona toe fa‘atūina mai o Keriso nai ē ‘ua oti, i le mamalu o le Tamā.

‘aua fo‘i ne‘i tu‘uina atu o ‘outou tino i le agasala e fai ma ‘au‘upega a le amio leaga; a ‘ia ‘outou tu‘uina atu ‘outou i le Atua, e pei o ē ‘ua ola nai ē ‘ua oti, ma ia tu‘uina atu ‘outou tino i le Atua e fai ma ‘au‘upega a le amiotonu.

‘Ua tatou iloa lenei mea, ‘ua fa‘asatauroina fa‘atasi ma ia lo tatou tagata tuai, ‘ina ‘ia fa‘aumatia ai le tino o le agasala, ‘ina ‘ia lē toe fa‘apologaina i tatou i le agasala.

‘Ia fa‘apea fo‘i la ‘outou tāofi ‘ua ‘outou oti i la le agasala, a ‘ua ‘outou ola lava i la le Atua i lo tatou Ali‘i o Keriso Iesu.

O lenei, se a ‘ea sa tatou ‘upu? Tatou te nonofo pea ‘ea i le agasala, ‘ina ‘ia fa‘atele ai le alofa tunoa? ‘Aua ne‘i fa‘apea. O i tatou ‘ua oti i la le agasala, pe fa‘apefea ‘ona tatou ola pea i ai?

Tou te le‘i iloa ‘ea, o lē tou te tu‘uina atu i ai ‘outou e fai ma ‘au‘auna e ‘ana‘ana i ai, o ana ‘au‘auna ‘outou tou te ‘ana‘ana i ai, po o le agasala e o‘o ai le oti, po o le ‘ana‘ana e o‘o ai le amiotonu?

A ‘ia fa‘afetai i le Atua, e ui lava ‘ina fai ‘outou ma ‘au‘auna a le agasala, a ‘ua ‘outou gaua‘i nei ma le loto i le fa‘aa‘oa‘o o le matā‘upu na tu‘uina atu ‘iā te ‘outou. ‘Ua tu‘usaunoa fo‘i ‘outou nai le agasala, a ‘ua fai ma ‘au‘auna a le amiotonu.