Popular Bible Verses from Salāmo 37

Share

‘Ia e fiafia lava oe i le ALI‘I, ‘ona foa‘iina lea e ia ‘iā te oe o mea e mana‘o i ai lou loto.

‘Ia e tu‘uina atu lou ala i le ALI‘I, ma fa‘atuatua ‘iā te ia, ‘ona faia lava lea e ia.

‘Ia e fa‘alologo i luma o le ALI‘I, ma fa‘amoemoe ‘iā te ia; ‘aua ‘e te fa‘ameo ‘ona o lē ‘ua manuia lona ala, o le tagata ‘ua faiā togafiti leaga.

‘Ia e fa‘atuatua i le ALI‘I ma e faia amio lelei; ‘ia e nofo i le nu‘u, ma tausisi i le fa‘amaoni.

E mau i le ALI‘I le savali o le tagata; e fiafia fo‘i o ia i lona ala. ‘Āfai e pa‘ū ia, e le ta‘atia pea ia i lalo; auā e tāofia lona lima e le ALI‘I.

E fa‘aalia e ia lau amiotonu e pei o le malamalama, ma lou fa‘amasinoga e pei o le aoauli.

‘Inā sōia ‘e te ita ma ‘ia tu‘u lou tigā; ‘aua ‘e te fa‘ameo, ne‘i e faia se mea leaga.

‘Ua ‘ou toeaina a‘u nei, sa au taule‘ale‘a; a ‘ou te le‘i iloa se tagata amiotonu na lafoa‘iina, po o ana fānau ‘ua ‘aisi i latou.

‘Aua ‘e te fa‘ameo ‘ona o ē amio leaga; ‘aua fo‘i ‘e te losilosi ‘ona o ē fai mea leaga.