Popular Bible Verses from Salāmo 10

Share

Le ALI‘I e, ‘ua e fa‘afofogaina le mana‘o o ē ‘ua puapuagātia; e fa‘amauina e oe o latou loto, ‘ua liliu mai i ai ou fofoga. ‘Ina ‘ia fa‘amasino i lē ‘ua mātuaoti ma lē ‘ua fa‘asauāina; ‘ina ‘ia lē toe fa‘amata‘u mai le tagata ‘ua tupu mai le ‘ele‘ele.

‘Ua e silafia lava, auā o oe lava, ‘e te silasila i le tigā ma le ita, ‘ina ‘ia tu‘u atu ai i lou ‘a‘ao; o lē ‘ua tigāina e tu‘uina o ia e ia ‘iā te oe; o oe lava o le fesoasoani o lē ‘ua mātuaoti.

Le ALI‘I e, se a le mea ‘e te tūtūmamao ai, ma e liliu ‘ese ai i ona po e i ai le puapuagā?

Le ALI‘I e, ‘ia e tula‘i mai; le Atua e ‘inā si‘i ia lou ‘a‘ao; ‘aua ne‘i galo ‘iā te oe ē ‘ua puapuagātia.