Popular Bible Verses from Fa‘ata‘oto 29

O le fefe i tagata e tupu ai le mailei; a o lē fa‘atuatua i le ALI‘I e fa‘amamaluina o ia.

A leai se valo‘aga, e fa‘asalalauina le nu‘u; a o lē ‘ua tausiusi i le tulafono, ‘amu‘ia o ia.

O le vale, e sasa‘a uma mai e ia lona loto; a o le tagata poto, e tāofiofi e ia lona loto.

O le sasa ma le a‘oa‘iga e tupu ai le poto; a o le tama ‘ua tu‘ulafoa‘iina, e tupu ai le mā o lona tinā.

‘Ia e a‘oa‘i i lou atali‘i, ‘ona e maua ai lea se filemū; e tupu ai le fiafia i lou loto.

O le fa‘amaualuga o le tagata e fa‘amaulaloina ai o ia; a o le fa‘amaulalo o le loto e maua ai le vi‘iga.

O le tagata itagofie na te fa‘atupuina le misa; ma le tagata lotoa na te fa‘ateleina soliga o le tulafono.

‘Ua e iloa ‘ea le tagata ‘ua fa‘ata‘alise i ana ‘upu e fai le fa‘amoemoe o tagata i le vale, ‘ae lē ‘iā te ia.