Popular Bible Verses from Numera 16

Share

‘Ae ‘āfai e faia e le ALI‘I le mea fou, ma fa‘amaga le gutu o le ‘ele‘ele, ma folo ‘iā te i latou, ma mea uma o lo‘o ‘iā te i latou, ma latou ō ifo i seoli o ola lava, ‘ona ‘outou iloa ai lea ‘ua ‘ino‘ino ia tagata i le ALI‘I.” ‘Ua uma ‘ona fai atu o ia o ia ‘upu uma, ‘ona mavae ai lea o le ‘ele‘ele i lalo o i latou. ‘Ua fa‘amaga le gutu o le ‘ele‘ele, ‘ua folo ifo ‘iā te i latou, ma o latou ‘āiga, ‘atoa ma tagata uma na ‘iā Koru ma a latou mea uma.

‘Ua ‘ave ni tagata e Koru le atali‘i o Isara, o le atali‘i ia o Koato, o le atali‘i ia o Levi, o Tatano fo‘i ma Apiramo o atali‘i o Eliapo, o Ono fo‘i le atali‘i o Peleto, o le fānauga a Reupena ia; ma ‘ua latou laga mai ‘iā Mose, na fa‘atasi fo‘i ma i latou nisi tagata o le fānauga a Isaraelu e lua selau ma le limagafulu, o ali‘i i latou o le fa‘apotopotoga, e ta‘ua i le fa‘apotopotoga, o tagata mamalu