Popular Bible Verses from Mareko 5

Share

A ‘ua fetalai atu Iesu ‘iā te ia, “Lo‘u afafine e, ‘ua e ola i lou fa‘atuatua; ‘inā alu ia oe ma le manuia ma ‘ia e mālōlō i lou ma‘i tigā.”

O le tasi fafine fo‘i, ‘ua ‘iā te ia le puna toto i tausaga e sefulu ma le lua, e tele fo‘i mea na ia tigā ai i foma‘i e to‘atele, ‘ua uma atu ai fo‘i ana ‘oloa, ‘ae le‘i aogā lava ‘iā te ia, ‘ae peita‘i ‘ua atili ai lona ma‘i

‘Ona utu loa lea o lona puna toto; ‘ona iloa lea e ia lona tino ‘ua fa‘amālōlōina i lona ma‘i tigā.

‘Ona tago ifo lea o ia i le lima o le teine, ‘ua fetalai atu ‘iā te ia, “Talita kumi;” o lona fa‘amatalaga lenei. “Funa e, ‘ou te fai atu ‘iā te oe, ‘ia e tula‘i.”

‘Ua ō mai nisi mai le fale o lē ‘ua pule i le sunako, a o fetalai mai o ia, ‘ua fa‘apea mai i latou, “‘Ua oti lou afafine; se a le mea ‘e te fa‘alavelave ai pea i le a‘oa‘o?” A o Iesu ‘ua fa‘afofoga i le tala ‘ua ta‘uina mai ai, ‘ona fetalai atu loa lea o ia i lē ‘ua pule i le sunako, “‘Aua ‘e te mata‘u; tau lava ‘ina e fa‘atuatua.”

Auā na fetalai atu Iesu ‘iā te ia, “Alu ia i fafo i le tagata, o oe na le agaga leaga.” ‘Ua fesili atu fo‘i Iesu ‘iā te ia, “Po o ai lou igoa?” ‘Ona tali mai lea o ia, ‘ua fa‘apea mai, “O Lekeono lo‘u igoa; auā e to‘atele i matou.”