Popular Bible Verses from Mareko 12

Share

‘Ona tali atu lea o Iesu ‘iā te ia, “E sili lenei, ‘Fa‘alogo mai ia Isaraelu e; o le Ali‘i lo tatou Atua o le Ali‘i e to‘atasi ia. ‘ia e alofa fo‘i i le Ali‘i lou Atua ma lou loto ‘atoa, ma lou agaga ‘atoa, ma lou manatu ‘atoa, ma lou malosi ‘atoa.’ O lona lua lenei, ‘‘Ia e alofa atu i lē lua te tuā‘oi, ‘ia pei o oe lava ‘iā te oe.’ E leai lava se tasi poloa‘iga e sili i na poloa‘iga.”

‘Ona vala‘au atu lea o ia i ona so‘o, ‘ua fetalai atu ‘iā te i latou, “E moni, ‘ou te fai atu ‘iā te ‘outou, o mea a lenā fafine mativa ‘ua oti lana tane ‘ua lafo i le mea e teu ai tupe, ‘ua sili ia ‘iā latou uma na lafo i ai. Auā o i latou uma, ‘ua latou lafo nisi mea mai a latou mea ‘ua tele; a o ia ‘ua mativa ‘ua ia lafo ana mea uma sa ‘iā te ia, o ana mea uma e ola ai.”

Sa nofo Iesu e feagai ma le mea e teu ai tupe, ‘ua silafia fo‘i e ia le vao tagata o lafo tupe i le mea e teu ai tupe; e to‘atele fo‘i o ē mau‘oa, ‘ua tele a latou ‘ua lafo i ai. ‘Ua alu ane fo‘i le tasi fafine mativa ‘ua oti lana tane, ‘ua lafo ane ai tupe iti e lua, o le kotane e tasi ia.

‘‘Ia alofa fo‘i ‘iā te ia ma le loto ‘atoa, ma le manatu ‘atoa, ma le malosi ‘atoa;’ ma ‘‘ia alofa i lē lā te tuā‘oi e pei o ia lava ‘iā te ia,’ e sili lea i taulaga mū ‘atoa, ma taulaga uma.”

‘Ona tali atu lea o Iesu ‘iā te i latou, “‘Inā avatu ia o mea a Kaisara ‘iā Kaisara; ‘ia avatu fo‘i mea a le Atua i le Atua.” ‘Ona latou ofo ai lea ‘iā te ia.