Popular Bible Verses from Mataio 22

Share

‘Ona fetalai atu ai lea o Iesu ‘iā te ia, “‘‘E te alofa atu i le Ali‘i lou Atua, ma lou loto ‘atoa, ma lou agaga ‘atoa, ma lou manatu ‘atoa.’ O le poloa‘iga muamua lenā ma le sili. E fa‘apenā fo‘i lona lua, ‘‘E te alofa atu i lē lua te tuā‘oi, ‘ia fa‘apei o oe lava ‘iā te oe.’

O nā poloa‘iga e lua ‘ua ‘autū ai le tulafono uma ma le ‘au perofeta.”

Auā e to‘atele e ‘ua tala‘iina ‘ae to‘aitiiti ē ‘ua filifilia.”

Auā a o‘o i le toetū, latou te lē fai avā, pe nofo tane, ‘ae latou te fa‘apei o agelu o i le lagi.

Fa‘aali mai ia ‘iā te a‘u se tupe o le lafoga.” ‘Ona latou avane ai lea ‘iā te ia le tenari. ‘Ona fetalai atu lea o ia ‘iā te i latou, “O ai ‘ea e ona lenei fa‘atagata ma lenei tusi?” ‘Ua latou fai mai ‘iā te ia, “O Kaisara,” ‘Ona fetalai atu ai lea o ia ‘iā te i latou, “O lenei, o mea a Kaisara, ‘ia ‘outou avatu ‘iā Kaisara; a o mea a le Atua ‘ia avatu ia i le Atua.”