Popular Bible Verses from Iosua 10

Share

‘Ona tumau ai lea o le lā, sa tu fo‘i le masina, ‘ina se‘ia tauia e le nu‘u o ē ita ‘iā i latou. E lē ‘ua tusia ‘ea lenei tala i le tusi a Iasera? ‘Ua tumau le lā i totonu o le lagi, ‘ua lē vave ‘ona alu ifo, ‘ua tumau pei o se aso ‘atoa.

‘Ona fai atu ai lea o Iosua i le ALI‘I i le aso na tu‘uina mai ai e le ALI‘I o sa Amorī i luma o le fānauga a Isaraelu, ‘ua fa‘apea atu i luma o Isaraelu, “Le lā e, ‘ia tumau oe i luga o Kipeona; ma oe le masina i luga o le vanu o Ailona.”

E leai fo‘i se aso na muamua pe mulimuli, e tusa ma lenā na fa‘afofogaina ai e le ALI‘I le leo o le tagata; auā na tau le tau‘a e le ALI‘I mo Isaraelu.

‘Ona fetalai mai lea o le ALI‘I ‘iā Iosua, “‘Aua ‘e te fefe ‘iā te i latou, auā ‘ua ‘ou tu‘uina atu i latou i ou lima; e leai so latou e tu i ou luma.”

‘Ua fai atu fo‘i Iosua ‘iā te i latou, “‘Aua tou te fefefe, ‘aua fo‘i tou te matata‘u, ‘ia ‘outou malolosi, ma ia loto tetele; auā e fa‘apea lava ‘ona faia e le ALI‘I ē ita mai uma lava ‘iā te ‘outou, tou te tau ma i latou.”