Popular Bible Verses from Fa‘amasino 6

Share

‘Ua fa‘aali mai ‘iā te ia le agelu a le ALI‘I, ‘ua fa‘apea mai ‘iā te ia, “Oe na le toa malosi, o ‘iā te oe le ALI‘I.”

‘Ona silasila mai ai lea o le ALI‘I ‘iā te ia, ‘ua fa‘apea mai, “Alu ia oe i lenei lou malosi, ‘e te lavea‘iina Isaraelu ai le lima o Mitiana; ‘ou te le‘i ‘auina atu ‘ea oe?”

‘Ona fa‘apea mai ai lea o le ALI‘I ‘iā te ia, “Auā tā te fa‘atasi lava ma oe; ‘e te fasia fo‘i Mitiana, e peiseaī o se tagata e to‘atasi.”

‘Ona fai atu ai lea o Kitiona ‘iā te ia, “E! le ali‘i e, ‘āfai ‘ua ‘iā te i matou le ALI‘I, se a le mea ‘ua o‘o mai ai ia mea uma ‘iā te i matou; o ifea ‘ona vāvega uma, na ta‘u mai ai e o matou tamā ‘iā te i matou, ‘ua fa‘apea mai, ‘E le‘i ‘aveina a‘e ‘ea o i tatou e le ALI‘I ai Aikupito?’ A o ona po nei ‘ua lafoa‘iina ai i matou e le ALI‘I, ‘ua ia tu‘uina mai fo‘i i matou i lima o Mitiana.”

‘Ona fa‘apea atu ai lea o ia ‘iā te ia, “E! le Ali‘i e, ‘ou te lavea‘iina Isaraelu i ni a? fa‘auta mai, ‘ua topito ‘ona fa‘atauva‘a lo‘u ‘āiga i Manase; o a‘u fo‘i, o le aupito itiiti i le ‘āiga o lo‘u tamā.”

‘Ona alu atu ai lea o le agelu a le ALI‘I, ‘ua nofo i lalo o le tapeneto sa i Ofira, na ‘iā Ioasa le sa Apiesera; o Kitiona lona atali‘i ‘ua ia sasa saito i le mea e soli ai vine, ‘ina ‘ia lilo ai ‘iā Mitiana.

‘Ona faia ai lea e Kitiona i lea mea o le fatafaitaulaga i le ALI‘I, ‘ua fa‘aigoa i ai, O le ALI‘I, e ona le filemū. ‘Ua i ai i Ofira o sa Apieserū ‘ua o‘o i ona po nei.

‘Ona fai atu ai lea o ia ‘iā te ia, “‘Āfai ‘ua e alofa mai ‘iā te au, ‘ia e faia se fa‘ailoga mo a‘u, e iloa ai o oe lava ‘ua tā tautalatala ma a‘u.

‘Ona fetalai mai ai lea o le ALI‘I ‘iā te ia, “‘Inā filemū ia oe, ‘aua ‘e te mata‘u, ‘e te lē oti.”

‘Ona fai ai lea e le fānauga a Isaraelu le amio leaga i luma o le ALI‘I; ‘ona tu‘uina atu ai lea o i latou e le ALI‘I i lima o Mitiana i tausaga e fitu.