Popular Bible Verses from Isaia 9

Share

Auā ‘ua fānau mai mo i tatou le tama, ‘ua foa‘iina mai mo i tatou le atali‘i, e i lona ‘ua lē mālō. E igoa fo‘i o ia, o le Silisili‘ese, o le Faipule, o le Atua malosi, o le Tama o le fa‘avavau, o le Ali‘i o le filemū.

O le nu‘u sa sāvavali i le pouliuli, ‘ua latou iloa le malamalama tele. O ē sa nonofo i le nu‘u o le ata o le oti, ‘ua pupula mai ‘iā te i latou le malamalama.

E leai se mea e gata mai ai ‘ona tele o lona mālō ma le filemū o lona mālō i le nofoāli‘i o Tavita ma lona mālō. E fa‘atumauina ma fa‘amausalī i le fa‘amasinoga ma le amiotonu, e āfua mai i ia ona po e o‘o i le fa‘avavau, e faia lea mea i le mā‘elegā o le ALI‘I o ‘au.

Auā o se‘evae uma o ē ‘ua fa‘ase‘eina, ‘ua ta‘alili i le tau‘a, ma le ‘ofu ‘ua liloia i le toto, e susunuina ia mea, e fai fo‘i ma fafie o le afi.

‘Ae le pouliuli pea i le nu‘u ‘ua puapuagātia; fa‘apei ‘ona ia fa‘alēaogāina anamua o le nu‘u o Sepulona ma le nu‘u o Nafatali; e fa‘apea ‘ona ia fa‘amamaluina ai i ona po amulī; o le ala i le vai, o le mea i tala ane o Ioritana, o Kalilaia o nu‘u ‘ese.

‘Ua e fa‘ato‘ateleina le nu‘u, ‘ua e fa‘ateleina lo latou fiafia. Latou te fiafia i ou luma, e pei ‘ona fiafia i le seleselegāsaito, e pei ‘ona ‘oli‘oli o i latou o ē tufatufa vete.

Auā ‘ua e gauia le amo o lana avega, ma le sasa na i lona ua. O le to‘oto‘o o lē na sauā ‘iā te ia, pei ‘ona fai i le aso o Mitiana.