Popular Bible Verses from Isaia 65

Share

A o le‘i vala‘au lava i latou, ‘ou te tali atu. A o tautala mai i latou, ‘ou te fa‘alogo atu lava.

Auā fa‘auta mai, ‘ou te faia le lagi fou ma le lalolagi fou. E lē toe manatua mea na muamua, e lē alu a‘e fo‘i i le loto.

Latou te lē galulue fua, latou te fānanau, ‘ae lē tupu ai le atuatuvale. Auā o le fānau ‘ua fa‘amanuia e le ALI‘I i latou, ‘atoa ma i latou e tutupu mai ‘iā te i latou.

Latou te lē fai fale ‘ina ‘ia mau ai nisi; latou te lē totō ‘ina ‘ia ‘ai ai nisi. Auā e pei o aso o le la‘au aso o lo‘u nu‘u; e uma lava i ē ‘ua filifilia e a‘u o mea na faia e o latou lima.

E lē toe i ai i lea mea le tama meamea, po o le toeaina ‘ua lē ‘ato‘atoa ona aso. Auā e oti le taule‘ale‘a ‘ua selau ona tausaga; a o lē ‘ua agasala ‘ua selau ona tausaga, e fetu‘uina o ia.

E ‘a‘ai fa‘atasi le luko ma le tama‘i mamoe, e ‘aina ‘au o saito e le leona e pei o le povi. A o le gata e fai māna mea e ‘ai le efuefu; latou te lē faia se mea leaga, latou te lē fa‘aumatia fo‘i se mea i lo‘u mauga pa‘ia uma lava, ‘ua fetalai mai ai le ALI‘I.

‘Ou te fiafia fo‘i i Ierusalema ma a‘u ‘oli‘oli i lo‘u nu‘u; e lē toe lagona ai le leo o sē tagi ma le leo o sē ‘alaga.