Popular Bible Verses from Isaia 62

Share

E lē toe ta‘ua oe: ‘Ua lafoa‘iina; e lē toe ta‘ua fo‘i lou lau‘ele‘ele: ‘Ua tu‘ufua; ‘Ae peita‘i e igoa oe: ‘Ua ‘iā te ia lo‘u fiafia; e igoa fo‘i lou lau‘ele‘ele: O le nofo tane. Auā e fiafia le ALI‘I ‘iā te oe, e nofo tane fo‘i lou lau‘ele‘ele.

Ierusalema e, ‘ua ‘ou tofia ē leoleo i luga o ou pā, latou te lē fa‘alologo e ‘atoa le ao e ‘atoa fo‘i le po. ‘Ae fa‘apea lava pea; o ‘outou o ē ta‘uta‘uina le ALI‘I, ‘aua ne‘i filemū ‘outou. ‘Aua fo‘i ne‘i tu‘u atu ‘iā te ia ‘ia filemū, se‘ia fa‘amauina e ia, ma se‘ia faia Ierusalema ma vi‘iga i le lalolagi.

E fai oe ma pale matagofie i le ‘a‘ao o le ALI‘I, ma pulou o le tupu i le alofilima o lou Atua.

Auā e pei o le taule‘ale‘a ‘ua fai avā i le taupou, e fa‘apea au tama tane ‘ona fai avā ‘iā te oe. E pei ‘ona fiafia fo‘i o le fa‘ato‘āfaiavā i lana avā, e fa‘apea ‘ona fiafia o lou Atua ‘iā te oe.