Popular Bible Verses from Isaia 60

Share

Tula‘i ia, ‘inā malamalama ia, auā ‘ua o‘o mai lou malamalama; ‘ua alu a‘e fo‘i le pupula o le ALI‘I i ou luga.

E ō mai nu‘u ‘ese i lou malamalama, o tupu fo‘i e ō mai i latou i le pupula o lou alu a‘e.

Auā fa‘auta mai, e ufitia le lalolagi i le pouliuli, e ufitia fo‘i nu‘u i le pogisā. ‘Ae afio a‘e le ALI‘I i ou luga, ma le pupula o le ALI‘I e aliali mai lea i ou luga.

O le to‘aitiiti e fai ma to‘aafe, ma lē ‘ua fa‘atauva‘a e fai ma nu‘u malosi. O a‘u o le ALI‘I, ‘ou te fa‘avave ‘ona fai i ona lava aso.

E lē toe faia le lā mou malamalama i le ao; e lē fa‘amalamalama fo‘i ‘iā te oe le masina i lona susulu mai. E faia le ALI‘I mou malamalama e fa‘avavau, e fai fo‘i lou Atua mou matagofie.

E lē toe goto lou lā, e lē toe mavae atu fo‘i lou masina. Auā e fai le ALI‘I mou malamalama e fa‘avavau, e uma fo‘i aso o lou fa‘anoanoa.

‘Ona e va‘ai ai lea ma e ‘oli‘oli; e polepole oe ma fiafia tele lou loto. Auā e liua mai ‘iā te oe le ‘oa o le sami; e o‘o mai ‘iā te oe le ‘oloa o nu‘u ‘ese.

‘Ia e fetepa‘i i itū uma, ma e va‘ai, o lo‘o fa‘apotopoto mai i latou uma. ‘Ua latou ō mai ‘iā te oe, o au tama tane e ō mai i latou i mea mamao, e afisi fo‘i au tama fafine i lou itū.

O lou nu‘u fo‘i e amiotonu i latou uma lava; e fai mo latou le nu‘u e fa‘avavau. O le tātupu o la‘u fa‘ato‘aga, o le galuega a o‘u lima, e fai mo‘u vi‘iga.

E lē toe lagona le sauāga i lou lau‘ele‘ele. O le fa‘atafunaina ma le lepetia o mea e lē lagona ia i lou nu‘u. ‘Ae fa‘aigoaina e oe ou pā, O le olataga ma ou puipui, o le vi‘iga.

E avanoa pea lava ou faitoto‘a, e lē punitia i le ao mai le po; ‘ina ‘ia ‘aumaia ‘iā te oe le ‘oloa o nu‘u ‘ese ma ‘ia ta‘ita‘iina ai o latou tupu.

E ufitia oe i le vao kamela e tele, o kamela ta‘anoa o Mitiana ma Efa. O i latou uma mai Seepa e ō mai, latou te ‘aumaia auro ma pulu lipano, latou te tala fiafia i vi‘iga o le ALI‘I.

E atiina a‘e ou pā e tagata ‘ese; e ‘au‘auna mai o latou tupu ‘iā te oe. Auā o lo‘u ita na a‘u taia ai oe, a o lo‘u alofa ‘ou te alofa ai lava ‘iā te oe.

Na fai oe ma nu‘u lafoa‘iina ma le ‘inosia, ‘ua leai fo‘i sē ui ai, A o lenei e faia oe e a‘u ma nu‘u matagofie, e fa‘avavau ma nu‘u e ‘oli‘oli ai, i lea tupulaga ma lea tupulaga.

‘E te susu i le suāsusu o nu‘u ‘ese, ‘e te susu fo‘i i susu o tupu. ‘E te iloa fo‘i o a‘u o le ALI‘I o lou Fa‘aola ma lē na fa‘atauina oe, o le Malosi o Iakopo.